టాయిలెట్ లో నీళ్లు కొట్టలేదని యువకుడిని కత్తితో పొడిచి హత్య

ఉమ్మడి టాయిలెట్ లో నీళ్లు కొట్టకపోవడంతో జరిగిన గొడవలో 18 ఏళ్ల యువకుడిని పొరుగింటివారు కత్తితో పొడిచి చంపిన ఘటన ఢిల్లీలోని గోవిందురిలో జరిగింది. ఛాతీ, తల, ముఖంపై కత్తిపోట్లకు గురైన బాధితుడిని ఆస్పత్రికి తరలించగా, చికిత్స పొందుతూ మృతి చెందాడు. ఆ యువకుడు, దాడికి పాల్పడిన కుటుంబం ఒకే భవనంలోని మొదటి అంతస్తులో అద్దెకు ఉంటున్నారు. పోలీసులు హత్య కేసు నమోదు చేసి, నిందితులను అరెస్టు చేశారు.