మాజీ ప్రధాని షేక్‌ హసీనాపై మరో హత్య కేసు

బంగ్లాదేశ్‌ మాజీ ప్రధాని షేక్‌ హసీనా (76)పై మరో హత్యకేసు నమోదైంది. 35 ఏళ్ల ఉపాధ్యాయుడు సెలిమ్‌ హొసేన్‌ హత్యకు సంబంధించి బొగుర సదర్‌ పోలీస్‌స్టేషనులో ఈ కేసును నమోదు చేశారు. హసీనా తన పదవికి రాజీనామా చేసేముందు జరిగిన విద్యార్థుల ఆందోళనలో పాల్గొన్న హొసేన్‌పై అవామీలీగ్‌ నేతలు, కార్యకర్తలు పదునైన ఆయుధాలతో దాడి చేసి హతమార్చినట్లు అభియోగం. హసీనా ఆదేశాలతోనే ఈ దాడి జరిగినట్లు మృతుడి సోదరుడు పోలీసులకు ఫిర్యాదు చేశారు.