మణిపూర్ లోని ఇంఫాల్ తూర్పు జిల్లాలో గల నోంగ్డామ్, ఇథమ్ గ్రామాలను కలిపే రహదారిపై అమర్చిన ఐఈడీలను ఆర్మీ జవాన్లు గుర్తించారు. వెంటనే అప్రమత్తమైన సిబ్బంది ఆ రోడ్డును మూసివేశారు. బాంబు స్క్వాడ్ ను అక్కడకు రప్పించి, మూడు బాంబులను నిర్వీర్యం చేశారు. దీంతో ప్రాణ నష్టం జరుగకుండా, స్థానికులకు గాయాలు కాకుండా నిరోధించినట్లు ఆర్మీ అధికారులు వెల్లడించారు. రొటీన్ తనిఖీల సందర్భంగా వీటిని గుర్తించినట్లు ఆర్మీ అధికారి తెలిపారు.