దారుణం.. తండ్రిని హత్య చేసిన కన్న కొడుకు

తెలంగాణలోని రంగారెడ్డి జిల్లాలో దారుణ ఘటన చోటుచేసుకుంది. తుర్కయంజాల్‌కు చెందిన తిరుపతి అనురాగ్ (27) అనే యువకుడు డ్రగ్స్‌కు బానిసై.. మత్తులో ఇంటికి వచ్చి తండ్రితో గొడవకు దిగేవాడు. దీంతో తన తండ్రి నిన్న కొడుకును మందలించాడు. ఈ క్రమంలో ఆగ్రహంతో తండ్రిని హత్య చేసి.. అనంతరం అక్కడి నుంచి పరారయ్యాడు. స్థానికుల సమాచారం మేరకు ఘటనా స్థలానికి చేరుకున్న పోలీసులు కేసు నమోదు చేసుకొని.. నిందితుడి కోసం గాలిస్తున్నారు.