తన కోసం తిరుమలకి పొర్లు దండాలు పెట్టుకుంటూ వెళ్లిన అభిమాని కుటుంబాన్ని సత్కరించిన చిరంజీవి

తిరుపతి జిల్లాకి చెందిన తన అభిమాని ఈశ్వరయ్య, ఆయన కుటుంబాన్ని మెగాస్టార్ చిరంజీవి సోమవారం హైదరాబాద్‌లోని తన నివాసంలో సత్కరించారు. ఆగస్టు 22న చిరంజీవి పుట్టినరోజు సందర్భంగా ఈశ్వరయ్య తిరుపతి నుంచి తిరుమల కొండ వరకు పొర్లు దండాలు పెట్టుకుంటూ వెళ్లారు. ఈ క్రమంలోనే అతని కుటుంబాన్ని చిరంజీవి ప్రత్యేకంగా ఆహ్వానించి మాట్లాడారు. వారికి తానెప్పుడూ అండగా ఉంటానని హామీ ఇచ్చారు.