ఫ్రిజ్, టీవీ, 4 ఫ్యాన్లకు రూ.20 లక్షల కరెంట్ బిల్లు.. షాక్ లో కుటుంబం

గుజరాత్‌ లో ఓ కుటుంబానికి కరెంట్ బిల్లు షాక్ ఇచ్చింది. నవ్‌సారిలో నివసించే ఆ కుటుంబానికి 2 నెలల కరెంట్ బిల్లు రూ. 20,01,902 రావడంతో షాక్ అయింది. తమ ఇంట్లో 4 బల్బులు, 4 ఫ్యాన్లు, ఒక ఫ్రిజ్, ఒక టీవీ ఉన్నాయని, మేము రోజంతా పనిచేసేందుకు బయటకు వెళ్తామని ఇంటి యజమాని పటేల్ చెప్పారు. తాము సకాలంలోనే బిల్లు చెల్లించినా ఇలా లక్షల్లో బిల్లు రావడం బాధ కలిగించిందని అన్నారు. మీటర్ తప్పుడు రీడింగ్ వల్లే ఇలా జరిగిందని అధికారులు తెలిపారు.