హైదరాబాద్ నుంచి బ్యాంకాక్‌కు డైరెక్ట్ ఫ్లైట్

హైదరాబాద్ నుంచి బ్యాంకాక్‌కు రోజువారీ డైరెక్ట్ ఫ్లైట్స్‌ను ప్రముఖ విమానయాన సంస్థ ఇండిగో ప్రారంభించింది. ఇది రెండు నగరాల మధ్య విమాన కనెక్టివిటీలో ఒక ముఖ్యమైన మైలురాయిని సూచిస్తుంది. సోమవారం తెల్లవారుజామున 03:55 గంటలకు హైదరాబాద్ రాజీవ్ గాంధీ అంతర్జాతీయ విమానాశ్రయం నుంచి బ్యాంకాక్‌లోని విమానాశ్రయానికి 6ఈ1067 విమానం బయలుదేరింది. ఈ విమానాల ప్రవేశంతో ఇండిగో ఇండియా- బ్యాంకాక్ మధ్య మొత్తం వారపు విమానాలు 37కు చేరుకున్నాయి.