ఈవీఎం ధ్వంసం ఘటన.. అడుగడుగునా అధికారుల వైఫల్యం

ఎమ్మెల్యే పిన్నెల్లి రామకృష్ణారెడ్డి ఈవీఎం, వీవీప్యాట్‌ను ధ్వంసం చేసిన ఘటనలో ప్రిసైడింగ్‌ అధికారి నుంచి సీఈవో దాకా అన్ని స్థాయిల్లోని అధికారులు విఫలం చెందారన్న వాదన వ్యక్తమవుతోంది. ఎమ్మెల్యే దుశ్చర్యల్ని ఏ స్థాయిలోనూ అధికారులు పరిశీలించలేదన్న విమర్శలు వ్యక్తమవుతున్నాయి. ఈవీఎంలు ధ్వంసం చేసి, పౌరులపై వైసీపీ అనుచరులు దాడులు చేసినా అధికార యంత్రాంగం పట్టించుకోలేదు. కేంద్ర ఎన్నికల సంఘం నిర్దేశంతో చర్యలకు ఎట్టకేలకు రాష్ట్ర ఎన్నికల అధికారులు ఉపక్రమించారన్న వాదన వినిపిస్తోంది.