ఆర్టీసీ ప్రయాణికులకు శుభవార్త.. నేటి నుంచి అందుబాటులోకి పికప్‌ వ్యాన్‌లు

దూరప్రాంత ప్రయాణికుల కోసం తెలంగాణ ఆర్టీసీ పికప్‌ వ్యాన్‌లను తీసుకొచ్చింది. శుక్రవారం నుంచి హైదరాబాద్‌లో ఆర్టీసీ పికప్‌ వ్యాన్‌ల సేవలు అమల్లోకి వచ్చాయి. తొలి విడతలో ఈసీఐఎల్‌-ఎల్బీనగర్‌ మధ్య ఉన్న ప్రాంతాల నుంచి ఈ పికప్‌ వ్యాన్‌ సేవలు అందుబాటులోకి తీసుకొచ్చారు. విజయవాడ, విశాఖ, కాకినాడ, తిరుపతి, ఒంగోలు, నెల్లూరు, కందుకూరు వెళ్లేవారి కోసం ఈ పికప్‌ వ్యాన్‌లు ఏర్పాటు చేశారు. మరిన్ని వివరాలకు 040-69440000, 040-23450033 నంబర్లను సంప్రదించాలని ఆర్టీసీ తెలిపింది.