మద్యం మత్తులో పెట్రోలింగ్ వాహనాన్ని ఎత్తుకెళ్లాడు

గద్వాల జిల్లా ఎర్రవల్లిలో మద్యం మత్తులో ఓ యువకుడు హల్ చల్ చేశాడు. దీంతో ఓ కానిస్టేబుల్ పోలీసు వాహనాన్ని హైవే పక్కన నిలిపి.. ఆ యువకుడిని పక్కకు పంపించి ట్రాఫిక్ క్రమబద్ధీకరణలో నిమగ్నమయ్యాడు. తర్వాత చూసేసరికి పెట్రోలింగ్ వాహనం కనబడలేదు. అయితే మద్యం మత్తులో ఆ యువకుడే వాహనాన్ని ఎత్తుకెళ్లినట్టు పోలీసులు గుర్తించారు. తనిఖీలు చేపట్టగా.. కోదండపురంలో ఓ పెట్రోల్ బంక్ వద్ద వాహనాన్ని పట్టుకున్నారు.