చార్మినార్: రోడ్డు పక్కన పేరుకుపోయిన చెత్త కుప్ప.. తీవ్ర ఇబ్బందులు

పాతబస్తీ పురాణాపూల్ డివిజన్ లోని శివ నగర్ లో బస్తీ దవాఖాన ముందు రోడ్డుపై చెత్త కుప్ప పేరుకుపోయింది. చెత్త వల్ల దోమల వ్యాప్తి బాగా పెరిగిందని, తీవ్ర ఇబ్బందులు పడుతున్నామని శనివారం స్థానిక ప్రజలు వాపోయారు. చెత్త రిక్షా కార్మికులు ఇంటింట చెత్తను సేకరించి డంపింగ్ యార్డుకు తరలించకుండా ఇక్కడే చేస్తుండడంతో ఈ పరిస్థితి ఏర్పడిందని తెలిపారు. అధికారులు స్పందించి చెత్తను తరలించి మరల ఇక్కడ చెత్త వేయకుండా చూడాలని ప్రజలు కోరుతున్నారు.