సాంకేతిక లోపం కారణంగా పాక్ లోకి ప్రవేశించిన భారత ఆర్మీ డ్రోన్

భారత సైన్యానికి చెందిన టాక్టికల్ యూఏవీ అంటే స్విచ్ డ్రోన్ శుక్రవారం నియంత్రణ రేఖ దాటి పాకిస్థాన్‌లో పడిపోయిందని సంబంధిత వర్గాలు తెలిపాయి. డ్రోన్ అనుకోకుండా సరిహద్దు దాటింది. ఈ ఘటన రాజౌరీ సెక్టార్‌లో చోటుచేసుకుంది. కాగా.. పాక్ ఆర్మీ డ్రోన్‌ను స్వాధీనం చేసుకుంది. ఈ డ్రోన్ సాధారణ నిఘా డ్యూటీలో ఉండగా ఈ ఘటన జరిగింది. దీనికి సంబంధించి ఇరు దేశాల మధ్య డైరెక్టర్ జనరల్ ఆఫ్ మిలటరీ ఆపరేషన్స్ (డీజీఎంవో) స్థాయిలో చర్చలు జరిగే అవకాశం ఉంది.