జగిత్యాల: కొండగట్టు వద్ద ఘోర రోడ్డు ప్రమాదం
జగిత్యాల జిల్లాలో కరీంనగర్-జగిత్యాల రహదారి కొండగట్టు వద్ద శుక్రవారం తెల్లవారుజామున రెండు లారీలు ఎదురెదురుగా ఢీకొన్నాయి. ఈ ప్రమాదంలో లారీలు ముందు భాగం నుజ్జు నుజ్జు కాగా అందులో ఇద్దరు ఇరుక్కుపోయారు. ఘటన స్థలానికి చేరుకున్న పోలీసులు, అగ్నిమాపక సిబ్బంది జెసిబి సాయంతో అతి కష్టం మీద బయటకు తీశారు. గాయపడ్డ వారిని 108 వాహనంలో జగిత్యాల ప్రభుత్వ ఆస్పత్రికి తరలించారు.
