అటు పెళ్లికి వెళ్లారు.. ఇటు దొంగలు పడ్డారు

కొమురంభీం జిల్లా సిర్పూర్ (టి) మండలంలో తాళం వేసిన ఓ ఇంట్లో దొంగతనం జరిగిన ఘటన చోటుచేసుకుంది. పేట్మహేల కాలనీకి చెందిన అబ్దుల్ అస్లాం గత నెల 19న తన బంధువుల పెళ్లికి హైదరాబాద్ కు వెళ్లారు. ఈ నెల తిరిగి వచ్చి చూడగ బీరువా పగలగొట్టి ఉంది. సుమారు రూ. 20, 000 నగదు, తులం బంగారం, 24 తులాల వెండి చోరీ జరిగినట్లు గుర్తించారు. శుక్రవారం బాధితుడి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.