శివుడికి మన రక్షణ అవసరం లేదు: హైకోర్టు

యమునా నదీగర్భంలో అక్రమంగా నిర్మించిన శివాలయాన్ని కూల్చివేసేందుకు దాఖలైన పిటిషన్‌పై ఢిల్లీ హైకోర్టు ఆసక్తికర తీర్పునిచ్చింది. ఆ శివాలయాన్ని కూల్చేయడానికి అనుమతిచ్చిన కోర్టు.. శివునికి తమ రక్షణ అవసరం లేదని, బదులుగా ఆయన నుంచి తాము రక్షణ, ఆశీర్వాదం కోరుకుంటున్నామని తెలిపింది. అలాగే యమునా నదీగర్భం, వరద ప్రాంతాలపై నిర్మించిన అక్రమ నిర్మాణాలను తొలగిస్తే ఆయన సంతోషిస్తాడని పేర్కొంది.