మత్తు పదార్థాలపై అవగాహన సదస్సు

మల్దకల్ మండల కేంద్రంలోని ప్రభుత్వ జూనియర్ కళాశాలలో మత్తు పదార్థాల వ్యతిరేక అవగాహన సదస్సు బుధవారం నిర్వహించారు. ఈ సదస్సును మల్దకల్ ఏఎస్ఐ ఈశ్వరయ్య ఆధ్వర్యంలో నిర్వహించారు. ఆయన మాట్లాడుతూ, మత్తు పదార్థాల వినియోగం ఆరోగ్యానికి హానికరం మాత్రమే కాకుండా, కుటుంబ కలహాలు, కుటుంబాలు చెదిరిపోవడానికి ప్రధాన కారణమని చెప్పారు. ఎట్టి పరిస్థితుల్లోనూ మత్తు పదార్థాలను ఉపయోగించకూడదని విద్యార్థులకు సూచించారు.