గంగారం అడవుల్లో ఆసియన్ ఫాం సీవెట్ క్యాట్

నాగర్ కర్నూల్ జిల్లా గంగారం ఫారెస్టులో అరుదుగా కనిపించే ఆసియన్ ఫాం సీవెట్ క్యాట్ గాయపడి సృహ కోల్పోయిన స్థితిలో భీముడి తండా వాసులకు గురువారం కనిపించింది. సమాచారం అందుకున్న గంగారం ఫారెస్ట్ సెక్షన్ ఆఫీసర్ చంటి, బీట్ ఆఫీసర్ మోహన్లు సీవేట్ క్యాట్ ను స్వాధీనం చేసుకొని పశు వైద్యాధికారితో చికిత్స అందించారు. అడవిలో నుంచి నీటి కోసం వచ్చిన దాన్ని గుర్తు తెలియని జంతువులు దాడి చేసి తీవ్రంగా గాయపర్చినట్లు తెలిపారు.