బతుకమ్మ ఆడిన వనపర్తి ఎస్పీ గిరిధర్

వనపర్తి జిల్లా పోలీస్ శాఖ ఆధ్వర్యంలో నిర్వహించిన బతుకమ్మ సంబరాలలో బుధవారం సాయంత్రం ఎస్పీ, పోలీస్ అధికారులు, సిబ్బంది వారి కుటుంబ సభ్యులతో అంగరంగ వైభవంగా బతుకమ్మ సంబరాలు నిర్వహించారు. బతుకమ్మ బతుకుని కొలిచే పండుగని, ఎక్కడైనా దేవుళ్లకు పూలు పెట్టి కొలుస్తామని, కానీ పువ్వులనే దేవతగా కొలిచే సాంప్రదాయం మన తెలంగాణలో మాత్రమే ఉందని జిల్లా ఎస్పీ గిరిధర్ తెలిపారు. ఎస్పి కోలాటాలతో బతుకమ్మ ఆడి అందరిలో ఉత్సాహాన్ని నింపారు.