కోదాడ: చెరువు లో పడి వ్యక్తి మృతి
మునగాల మండలం ఆకుపాములకు చెందిన పచ్చిపాల కోటయ్య పశువులు మేపడానికి చెరువు వద్దకు వెళ్లాడు. గేదెలు చెరువు లోపలికి వెళ్లి రాకపోవడంతో కోటయ్య ఈత కొట్టుకుంటూ చెరువు మధ్యకి వెళ్ళాడు. ఈ క్రమంలో లుంగీ కాళ్లకు చుట్టుకొని నీటిలో మునిగి ప్రాణాలు కోల్పోయాడు. స్థానికులు ఫైర్ సిబ్బందికి సమాచారం ఇవ్వడంతో వారు వచ్చి మృతదేహాన్ని బయటికి తీశారు. ఈ మేరకు కేసు నమోదు చేసుకుని దర్యాప్తు చేస్తున్నట్లు తెలిపారు.
