మూడు రోజుల్లో రూ.5 వేలు తగ్గిన బంగారం ధర

దేశవ్యాప్తంగా బంగారం ధరలు భారీగా తగ్గుముఖం పట్టాయి. బడ్జెట్‌ తర్వాత 10 గ్రాముల బంగారం ధర దాదాపు 5 వేల రూపాయల వరకు తగ్గింది. బడ్జెట్‌లో కస్టమ్స్‌ సుంకాన్ని భారీగా తగ్గించడమే దీనికి ప్రధాన కారణం. దీంతో బంగారు నగల దుకాణాల్లో ఒక్కసారిగా రద్దీ పెరిగింది. మరికొన్ని రోజుల్లో పండగల సీజన్‌ ప్రారంభమవునున్న వేళ బంగారాన్ని కొనుగోలు చేసేందుకు జనం పోటీపడుతున్నారు.