తెలంగాణ మీదుగా నడిచే ఐదో వందే భారత్ రైలును వర్చువల్‌గా ప్రారంభించనున్న ప్రధాని మోదీ

తెలంగాణ నుంచి మరో వందేభారత్‌ ఎక్స్‌ప్రెస్‌ రైలు పరుగులు పెట్టనుంది. సికింద్రాబాద్-నాగ్‌పూర్‌ స్టేషన్ల మధ్య ఈ సెమీ హైస్పీడ్ రైలు ప్రారంభం కాబోతుంది. దీనికి ముహూర్తం కూడా ఖరారు చేసింది కేంద్ర ప్రభుత్వం. ఈ నెల 15వ తేదీన ప్రధాని నరేంద్ర మోదీ చేతుల మీదుగా ఈ వందేభారత్‌ రైలు ప్రారంభం కాబోతుంది. ఆయన ఈ రైలు సర్వీసును వర్చువల్‌గా ప్రారంభిస్తారు. ఇప్పటికే తెలంగాణ నుంచి పలు ప్రాంతాలకు నాలుగు వందే భారత్‌ రైళ్లు నడుస్తున్నాయి.