ఆ పొగతో ప్రాణాలు ఉక్కిరిబిక్కిరి

డంపింగ్ యార్డు నుంచి వెలువడే పొగ, దుర్వాసన సోలిపూర్ గ్రామ వాసులకు పీడకల సృష్టిస్తున్నాయి. షాద్‌నగర్ సమీపంలోని సోలిపూర్ అనే ఈ చిన్న గ్రామం దుర్వాసన పొగలతో ఉక్కిరిబిక్కిరి అవుతుంది. వారి ఇళ్లకు సమీపంలో ఉన్న మునిసిపాలిటీ డంప్ యార్డు కారణంగా అనేక సమస్యలను ఎదుర్కొంటున్నామని గ్రామస్థులు చెబుతున్నారు. ఘన వ్యర్థాల డంప్ యార్డు పరిస్థితిపై ఆక్రందన చెందుతున్నారు. శనివారం పొగ గ్రామాన్ని కమ్మేసినట్లు తెలిపారు.