అమెరికాలో భారత విద్యార్థుల వరుస మరణాలు

అమెరికాలో ఉన్నత విద్యను అభ్యసించడానికి వెళ్లిన విద్యార్థులు వరుసగా మృతి చెందుతున్నారు. ఇటీవల వివేక్ సైనీ (25) అనే భారత విద్యార్థిని ఓ వ్యక్తి దుకాణంలో కొట్టి చంపాడు. అలాగే పర్డ్యూ యూనివర్సిటీలో చదువుతున్న నీల్ ఆచార్య గతవారం మరణించాడు. సిన్సినాటి యూనివర్సిటీలో చదివే ఆదిత్య అద్లాఖా (26)ను గతేడాది దుండగులు కాల్చి చంపారు. తాజాగా అమెరికాలోని సిన్సినాటిలో మరో భారతీయ విద్యార్థి శవమై కనిపించాడు.