అధికారులు క్షేత్ర స్థాయిలో పర్యటించాలి.. MLA

ప్రకృతి వైపరీత్యంతో భారీ వర్షాలతో వచ్చిన వరదల వల్ల నష్టపోయిన ప్రజలను ఆదుకుంటామని కోదాడ శాసన సభ్యురాలు యన్ ఉత్తమ్ పద్మావతి రెడ్డి అన్నారు. భారీ వర్షాల కారణంగా కోదాడ మున్సిపాల్టీ లో 34 వ వార్డు లో మృతి చెందిన నాగం మురళీకృష్ణ భార్య నాగం రోజాకి, 31 వ వార్డు కి చెందిన యరమళ్ళ వెంకటేశ్వర్లు భార్య ఈశ్వరమ్మకి చెరో 5 లక్షల రూపాయల చెక్ లను ఆమె జిల్లా కలెక్టర్ తేజస్ నంద్ లాల్ పవార్ తో కలిసి కోదాడ ఎమ్మెల్యే క్యాంప్ కార్యాలయం నందు అందజేశారు. అనంతరం మాట్లాడుతూ కుటుంబ పెద్ద వరదలలో మరణించటం దురదృష్టకరం అన్నారు. కుటుంబ సభ్యులకు మనో ధైర్యాన్ని కల్పించారు. అంతకుముందు కోదాడ నియోజకవర్గం లో వరదల వల్ల తెగిపోయిన రోడ్లు , చెరువులు, కాల్వలు, మునిగిన పంటలు పై అధికారులతో ఎమ్మెల్యే సమీక్ష సమావేశం నిర్వహించారు. అధికారులు క్షేత్ర స్థాయి లో పర్యటించి అంచనాలు వేచి రేపు సాయంత్రం లోపు నివేదికలు అందజేయాలని ఆదేచించారు. ఈ కార్యక్రమం లో ఆర్ డి ఓ సూర్యనారాయణ, మున్సిపల్ చైర్మన్ ప్రమీల, వైస్ చైర్మన్ కోటేశ్వరరావు, కమిషనర్ రమాదేవి, కౌన్సిలర్ లు ప్రజా ప్రతినిధులుపాల్గొన్నారు.