తెలంగాణ వర్సిటీ.. హాస్టల్‌ కిటికీలకు పరదాలే గతి

నిజామాబాద్‌ జిల్లా డిచ్‌పల్లిలోని తెలంగాణ విశ్వవిద్యాలయంలో పాత బాలుర వసతిగృహంలోని గదుల్లో చాలాచోట్ల పెచ్చులూడాయి. పలు గదులకు, కిటికీలకు తలుపులు లేవు. విద్యార్థులు కిటికీలకు పరదాలు కట్టుకోవాల్సిన దుస్థితి. నూతన బాలుర వసతిగృహంలోని గదుల్లో గోడలు పగుళ్లు తేలాయి. విద్యార్థినులకు ఒకే వసతిగృహం ఉంది. దీంతో గదుల్లో సామర్థ్యానికి మించి ఉంటున్నారు. కొన్ని కిటికీలకు తలుపులు లేకపోవడంతో తరచూ విషపు పురుగులు లోనికి వస్తున్నాయి.