కొత్తగూడ: భార్యభర్తలపై అడవిపంది దాడి
బైక్ పై వెళ్తున్న భార్యాభర్తలపై అడవి పంది దాడి చేసిన సంఘటన మహబూబాబాద్ జిల్లా కొత్తగూడ అటవీ ప్రాంతంలో మంగళవారం రాత్రి చోటుచేసుకుంది. గంగారం మండలం వెంకన్నగుంపు గ్రామానికి చెందిన పెనుక రామయ్య, సమ్మక్క దంపతులు అత్యవసర పనిమీద కొత్తగూడ కు వెళ్లి తిరిగి వస్తుండగా ఒక్కసారిగా పొదలో నుండి అడవి పంది దాడి చేసింది. దంపతులు ఇద్దరు ద్విచక్ర వాహనం నుంచి కిందపడి తీవ్రగాయాలయ్యాయి. అటుగా వెళ్తున్న వారు ఆసుపత్రికి తరలించారు.
