సోషల్ మీడియాలో పాపులారిటీ కోసం నేటి యువత పిచ్చి పనులు, ప్రమాదకర విన్యాసాలు చేయడం చూస్తూనే ఉన్నాం. తాజాగా ఒక యువతి కూడా తన జీవితం గురించి పట్టించుకోకుండా రైలు డోర్కు వేళాడుతూ విన్యాసాలు చేసింది. నెట్టింట వైరల్ అవుతున్న ఈ వీడియోను చూసి నెటిజన్స్ ఫైరవుతున్నారు. యువతి రైలు డోర్ హ్యాండిల్ని చేతులతో పట్టుకుని వెనుకకు వేళాడుతూ కనిపించింది. ఆ సమయంలో ప్రమాదవశాత్తు ఆమె చేయి జారితే పరిస్థితి ఊహించడం కూడా కష్టమే.