నేను బడికి పోతా కార్యక్రమం

కార్వేటినగరం మండలంలోని పాఠశాలలను గురువారం డీఈఓ దేవరాజులు సందర్శించారు. 'నేను బడికి పోతా' అనే కార్యక్రమంలో భాగంగా మండలంలోని ఎంఈఓలు విజయ్ కుమార్, మనోజ్ కుమార్, హెచ్ఎంలతో డీఈఓ దేవరాజులు ప్రత్యేక సమావేశాన్ని నిర్వహించారు. 6 - 14సం. వయసు మధ్య ఉన్న బడి ఈడు పిల్లల్ని ఎట్టి పరిస్థితుల్లోనూ బడి బయట లేకుండా బడిలో చేర్పించాలని ఆదేశించారు. విద్యలో వెనుకబడిన వారిని దత్తత తీసుకుని విద్యాభివృద్ధి అందించాలన్నారు.