పౌర్ణమి సందర్భంగా అమ్మవారికి విశేష పూజలు

నగరి నియోజకవర్గం కూనమరాజుపాలెం శ్రీ మహాలక్ష్మీ అమ్మవారి దేవస్థానంలో ఆదివారం పౌర్ణమి సందర్భంగా విశేష పూజలు, అభిషేకాలు, హోమం, వ్రతాలు నిర్వహించారు. ఉదయం అమ్మవారికి సుప్రభాత సేవ, అభిషేకం నిర్వహించి అనంతరం అమ్మవారిని పట్టువస్త్రాలు పూలమాలలతో విశేషంగా అలంకరించి లోక కళ్యాణార్ధం శ్రీ లక్ష్మీ నారాయణ హోమం ఉభయదారులతో నిర్వహించారు. అనంతరం కర్పూర నీరాజనాలు నడుమ అమ్మవారికి పంచహారతులు సమర్పించి భక్తులకు దర్శనభాగ్యం కల్పించారు.