పుత్తూరు: అంగన్వాడీ వర్కర్స్ అరెస్టు దారుణం: సీఐటీయు
నగరి నియోజక వర్గం, పుత్తూరు ప్రాజెక్టు అంగన్వాడి వర్కర్లను హౌస్ అరెస్టు చేయడం దారుణమని పుత్తూరు సీఐటీయూ కార్యదర్శి ఆర్. వెంకటేశ్ ఆదివారం తెలిపారు. ఈ సందర్భంగా ఆయన మాట్లాడుతూ ప్రజాస్వామ్యం పద్ధతిలో ఆందోళన చేయడానికి విజయవాడ వెళుతున్న అంగన్వాడీ వర్కర్లు, సీఐటీయూ నాయకులను నిర్బంధించడం దారుణమన్నారు. వారి వేతనాలను పెంచాలని డిమాండ్ చేశారు. ఈ సందర్భంగా స్థానిక పోలీసులు వెంకటేష్ కు నోటీసులు అందజేశారు.
