గుడిపల్లి: రైతులు అప్రమత్తంగా ఉండాలి: డీఎస్పీ

నకిలీ డి-పట్టాలను సృష్టించిన వ్యక్తిని అరెస్టు చేసినట్లు కుప్పం డీఎస్పీ పార్థసారథి తెలిపారు. ఆయన మాట్లాడుతూ. జగదీశ్ అనే వ్యక్తి గుడిపల్లె మండలంలోని రైతులకు నకిలీ డి-పట్టాలను జిరాక్స్ సెంటర్లో సృష్టించాడని చెప్పారు. ఇలా చాలా మంది రైతులను మోసం చేశారన్నారు. అతని నుంచి నకిలీ పట్టాలను స్వాధీనం చేసుకుని కేసు నమోదు చేశామన్నారు. ఎవరైనా నకిలీ పట్టాలను రైతుకు అందిస్తే చర్యలు తీసుకుంటామని హెచ్చరించారు.