రైల్వే కోడూరు: కొండెక్కిన కూరగాయల ధరలు

కూరగాయల ధరలు కొండెక్కాయి. సామాన్యులు కొనే పరిస్థితి లేకుండా పోతోంది. భారీ వర్షాల కారణంగా చాలా చోట్ల పంట నష్టపోవడంతో దిగుబడి తగ్గింది. దీంతో కూరగాయల ధరలు మండిపోతున్నాయి. దాదాపు అన్ని రకాల కూరగాయల ధరలు సెంచరీకి చేరువయ్యాయి. ఈ సీజన్‌లో అందరికి అందుబాటులో ఉండే కూరగాయలు, ఆకుకూరలు, టమోటా, ఉల్లిపాయల ధరలు పెరిగిపోయాయి. ముందుముందు మరింత పెరిగే అవకాశాలు ఉన్నాయని వ్యాపారస్థులు చెబుతున్నారు.