కొవ్వూరు: చోరీకి ఆస్కారం లేకుండా జాగ్రత్తలు తీసుకోవాలి: సీఐ విశ్వం

దసరా పండుగ నేపథ్యంలో సెలవులకు పొరుగుఊరికి వెళ్లేవారు తమ ఇంటిలో చోరీకి ఆస్కారం లేకుండా తగిన జాగ్రత్తలు తీసుకోవాలని కొవ్వూరు సీఐ పి. విశ్వం సూచించారు. శనివారం సాయంత్రం కొవ్వూరులో ఆయన మాట్లాడుతూ పట్టణంలో రాత్రిపూట ఎవరైనా అనుమానంతో సంచరిస్తే తమకు సమాచారం ఇవ్వాలన్నారు. ఈ మేరకు ప్రత్యేక నిఘా ఏర్పాటు చేశామని వెల్లడించారు.