మావుళ్ళమ్మ ఆలయానికి పోటెత్తిన భక్తులు

పశ్చిమగోదావరి జిల్లా భీమవరం పట్టణంలో వేంచేసియున్న శ్రీ మావుళ్ళమ్మ అమ్మవారి ఆలయంలో దసరా శరన్నవరాత్రి ఉత్సవాలు ఆదివారం నాలుగో రోజుకు చేరుకున్నాయి. ఈ సందర్భంగా అమ్మవారు శ్రీ అన్నపూర్ణ దేవి అలంకరణలో భక్తులకు దర్శనమిచ్చారు. అనంతరం ఆలయ వేద పండితులు అమ్మవారికి విశేష పూజా కైంకర్యాలను జరిపించారు. ఈ కార్యక్రమంలో భక్తులు అధిక సంఖ్యలో పాల్గొనే అమ్మవారిని దర్శించుకుని మొక్కులు చెల్లించుకున్నారు.