విజయవాడ వాసులకు తీపికబురు

విజయవాడ వాసులకు సూపర్ న్యూస్. విజయవాడ నుంచి దుబాయ్‌ విమాన సర్వీసు త్వరలోనే అందుబాటులోకి వచ్చే అవకాశాలు కనిపిస్తున్నాయి. విజయవాడ నుంచి దుబాయ్‌కు విమాన సర్వీసు నడిపేందుకు అరబ్ ఎమిరేట్స్ అధ్యయనం జరుపుతోంది. ఇందులో భాగంగా ఆ సంస్థ ప్రతినిధులు ఇటీవల విజయవాడ అంతర్జాతీయ విమానాశ్రయాన్ని సందర్శించి వెళ్లారు. ఎయిర్‌పోర్టులోని టెర్మినళ్లను పరిశీలించి, ట్రాఫిక్ ఎలా ఉంటుందనే వివరాలను తెలుసుకుని వెళ్లారు.