రామవరంలో తారాజువ్వ పడి తాటాకిల్లు దగ్ధం

అనపర్తి మండలం రామవరంలో తారాజువ్వ పడి తాటాకు ఇల్లు దగ్ధమైన ఘటన శనివారం జరిగింది. గ్రామానికి చెందిన నల్లమిల్లి లక్ష్మీకాంతం అనే మహిళ గతంలో ఇంట్లో నివాసం ఉండేది. అయితే ఆమె మృతి చెందడంతో ప్రస్తుతం ఆ ఇంట్లో ఎవరూ ఉండడం లేదు. ఓ వివాహ వేడుకల్లో భాగంగా తారాజువ్వ పడడంతో పైకప్పుకు నిప్పంటుకుంది. స్థానికుల సమాచారంతో అగ్నిమాపక అధికారులు మంటలు అదుపు చేశారు. రూ. 20వేలు ఆస్తి నష్టం ఉంటుందని అధికారులు చెప్పారు.