ద్వారక తిరుమల: సింహవాహనంపై విహరించిన స్వామి అమ్మవార్లు

ద్వారకాతిరుమలలో సింహవాహనంపై అలివేలుమంగ ఆండాళ్ అమ్మవార్ల సమేతంగా కొలువైన ఆ దేవదేవుడు గురువారం ఉదయం క్షేత్ర తిరువీధుల్లో భక్తులకు దర్శనమిచ్చారు. ముందుగా ఆలయ ప్రాంగణములో మూర్తులను సింహవాహనంపై ఉంచి, అర్చకులు పూలతో అలంకరించారు. యోగమూర్తిగా అభయహస్తాన్ని ఇస్తూ ఉన్న శ్రీవారికి నీరాజనాలు సమర్పించారు. అట్టహాసంగా తిరువీదులకు తరలివెళ్లిన స్వామి, అమ్మవార్లను భక్తులు కొలిచారు.