విజయనగరం: మహిళలకు ఫ్రీ బస్సు.. మంత్రి కీలక ప్రకటన

ఉచిత బస్సు పథకంపై గిరిజన శాఖ మంత్రి గుమ్మడి సంధ్యారాణి కీలక వ్యాఖ్యలు చేశారు. మహిళలకు ఉగాది నుంచి ఫ్రీ బస్సు సౌకర్యం కల్పించనున్నట్లు తెలిపారు. విజయనగరం జిల్లా పాచిపెంట మం. పెదచీపురువలసలో జరిగిన కార్యక్రమంలో ఆమె ఈ ప్రకటన చేశారు. మగవాళ్లకు ఈ పథకం వర్తించదని చెప్పుకొచ్చారు. కాగా, నిన్న అధికారులతో సమావేశమైన సీఎం చంద్రబాబు ఉగాది నాటికి ఈ స్కీం అమల్లోకి తెచ్చేలా పనులు వేగవంతం చేయాలని ఆదేశించిన విషయం తెలిసిందే.