వరద బాధితుల కోసం విరాళాల సేకరణ

వరద బాధితుల సహాయార్థం విరాళాల భాగస్వామ్యంలో.. ప్రతి మహిళ పాల్గొనాలని డాక్టర్ మద్దాలి మాధవరావు అన్నారు. చీమకుర్తి మెప్మా ఆఫీసు కార్యాలయంలో ఏర్పాటు చేసిన కార్యక్రమంలో ఆయన మాట్లాడారు. ఈ కార్యక్రమం ద్వారా విజయవాడ వరద బాధితుల్లో కొంతమందికైనా నిత్యవసర సరుకులు అందించాలన్నదే శ్రీ అభయ సేవ ఫౌండేషన్ ముఖ్య ఉద్దేశం అన్నారు. ఇప్పటి వరకు 300 గడపలు తిరుగుతూ విరాళాలు సేకరించామన్నారు. ఈ కార్యక్రమంలో మెప్మా సీఎంఎం సంపత్ కుమార్, ఆలూరి చిరంజీవి, మెప్మా ఆర్పీలు తదితరులు పాల్గొన్నారు.