ప్రజలందరూ సుఖసంతోషాలతో ఉండాలి

ఒంగోలులోని ప్రకాశం భవనంలోని స్పందన హాలులో జిల్లా యంత్రాంగం ఆధ్వర్యంలో మంగళవారం ఉగాది వేడుకలు సంప్రదాయబద్ధంగా జరిగాయి. ఈ వేడుకల్లో జాయింట్ కలెక్టర్ గోపాలకృష్ణ ముఖ్య అతిథిగా పాల్గొన్నారు. వేద పండితులు ఆయనకు పూర్ణకుంభంతో స్వాగతం పలికి పూజలు నిర్వహించి ఆశీర్వచనాలు ఇచ్చారు. ఆయన మాట్లాడుతూ వర్షాలు సమృద్ధిగా కురిసి, పంటలు బాగా పండాలని ప్రజలందరూ సుఖసంతోషాలతో ఉండాలని ఆకాంక్షించారు.