శిరోముండనం కేసు.. వైసీపీ ఎమ్మెల్సీకి జైలు శిక్ష

శిరోముండనం కేసులో వైసీపీ ఎమ్మెల్సీ తోట త్రిమూర్తులుకు 18 నెలల జైలు శిక్ష విధిస్తూ మంగళవారం కోర్టు సంచలన తీర్పునిచ్చింది. అలాగే రూ.2 లక్షల జరిమానాను విధించింది. ఈ కేసులో 28 ఏళ్ల తర్వాత కోర్టు తీర్పును వెల్లడించింది. 1996 డిసెంబర్ 29న ప్రస్తుత కోనసీమ జిల్లా రామచంద్రాపురం మండలం వెంకటాయపాలెంలో ఐదుగురు దళితులను హింసించి ఇద్దరికి శిరోముండనం చేసిన విషయం తెలిసిందే.