పలాస: రైల్వే గేటును ఢీకొన్న వ్యాన్

కాశీబుగ్గ ఎల్సి గేటును సోమవారం వ్యాన్ ఢీకొట్టడంతో విరిగిపోయింది. విజయనగరం నుంచి పలాసకు నిత్యవసర సరుకులు తీసుకొస్తున్నారు. ఈ తరుణంలో నర్శిపురం వైపు ఉన్న రైల్వే గేట్ వేస్తుండగా వ్యాన్ డ్రైవర్ వెళ్లిపోవాలనే అతృతతో బలంగా ఢీకొట్టాడు. దీంతో గేట్ విరిగిపోయింది. ఆర్పిఎఫ్ పొలీసులు గేటును పరిశీలించి కేసు నమోదు చేశారు. అనంతరం రైల్వే ఇంజినీరింగ్ సిబ్బంది గేటుకు మరమ్మతులు చేపట్టారు.