హైదరాబాద్‌లో ‘డీజే’పై నిషేధం

HYDలో నిర్వహించే ఊరేగింపుల్లో డీజే సౌండ్‌ సిస్టమ్‌ను నిషేధిస్తూ నగర పోలీసులు మంగళవారం కీలక నిర్ణయం తీసుకున్నారు. డీజే సౌండ్‌ కారణంగా ఇబ్బందులు పడుతున్నామని డయిల్‌ 100కు ఫిర్యాదులు పెరగడంతో డీజే సౌండ్‌ సిస్టమ్‌ను నిషేధించారు. ఈ మేరకు నగర పోలీసు కమిషనర్‌ సీవీ ఆనంద్‌ ఉత్తర్వులు జారీ చేశారు. రెండేళ్లుగా డీజేలతో పెద్ద ఎత్తున నిబంధనల ఉల్లంఘన జరుగుతోందని, ఈ ఏడాది శృతిమించి జరిగిందని, సీఎం సైతం దీన్ని గమనించారని ఆనంద్‌ తెలిపారు.