ఆంధ్రప్రదేశ్ ఉపాధ్యాయ అర్హత పరీక్ష 2024 ఫలితాలపై విద్యాశాఖ స్పష్టత ఇచ్చింది. ఎన్నికల సంఘం నుంచి క్లారిటీ వచ్చిన తర్వాతే టెట్ ఫలితాలు వెల్లడిస్తామని పేర్కొంటూ అధికారిక వెబ్సైట్ https://aptet.apcfss.in/ లో ప్రకటన చేసింది. కాగా షెడ్యూల్ ప్రకారం మార్చి 14నే రిజల్ట్స్ రావాల్సి ఉన్నా అధికారులు వెల్లడించలేదు. ఈలోపు మార్చి 16న ఎన్నికల షెడ్యూల్ విడుదల కావడంతో ఈసీ నుంచి అనుమతి రాగానే ఫలితాలు వెల్లడిస్తామని తాజాగా ప్రకటించారు.