కరెంట్ అఫైర్స్.. ఏబీసీ ఛైర్మన్‌గా రియాద్‌ మాథ్యూ

మలయాళ మనోరమ గ్రూప్‌ చీఫ్‌ అసోసియేట్‌ ఎడిటర్, డైరెక్టర్‌ రియాద్‌ మాథ్యూ ఆడిట్‌ బ్యూరో ఆఫ్‌ సర్క్యులేషన్స్‌ (ఏబీసీ)కు ఛైర్మన్‌గా ఏకగ్రీవంగా ఎన్నికయ్యారు. ఆయన ఈ పదవిలో ఏడాది కాలం (2024-25) కొనసాగుతారు. ఈ మేరకు ఏబీసీ మండలి వెల్లడించింది. ప్రెస్‌ ట్రస్ట్‌ ఆఫ్‌ ఇండియా (పీటీఐ) బోర్డులో 2009 ఆగస్టు నుంచి డైరెక్టర్‌గా ఉన్న మాథ్యూ 2016-17లో పీటీఐ బోర్డ్‌ ఛైర్మన్‌గానూ వ్యవహరించారు.