అసోంలో 25 మెగావాట్ల సోలార్ పవర్ ప్రాజెక్ట్‌కు శంకుస్థాపన

అసోంలోని దిబ్రూగఢ్‌ జిల్లాలో నామ్‌రూప్ థర్మల్ పవర్ స్టేషన్ ప్రాంగణంలో 25 మెగావాట్ల సౌర విద్యుత్ ఉత్పత్తి ప్రాజెక్టుకు సీఎం బిస్వ శర్మ శంకుస్థాపన చేశారు. 2021లో సీఎంగా బాధ్యతలు స్వీకరించినప్పుడు.. రాష్ట్రంలో పీక్-అవర్ విద్యుత్ డిమాండ్ 1,800 మెగావాట్లు మాత్రమే ఉందని తెలిపారు. కానీ పారిశ్రామిక వృద్ధి, రాష్ట్రవ్యాప్తంగా గతంలో విద్యుత్ లేని గ్రామాల విద్యుదీకరణ కారణంగా ఈ డిమాండ్ 2,500 మెగావాట్లకు పెరిగిందని చెప్పారు.