ఫలక్ నూమా లో రోడ్డు ప్రమాదం... వ్యక్తికి తీవ్ర గాయాలు

ఫలక్ నూమా లో రోడ్డు ప్రమాదం జరిగింది. ఆదివారం తెల్లవారుజామున వట్టపల్లి వద్ద ద్విచక్ర వాహనంపై వెళ్తున్న ఓ యువకుడిని పాల్ట్రి ఫార్మ్ వాహనం ఢీ కొట్టింది. ఈ సంఘటనలో ద్విచక్ర వాహనాధారుడికి తీవ్ర గాయాలయ్యాయి. మెరుగైన చికిత్స కోసం క్షతగాత్రుడిని స్థానికులు ఉస్మానియా ఆసుపత్రికి తరలించారు. బాధితుడి పరిస్థితి విషమంగా ఉన్నట్లు సమాచారం.