ఆయిల్‌పామ్ సాగులో సాగునీటి యాజమాన్యం

వేసవిలో మొక్కలు, చెట్లు నీటి ఎద్దడికి గురికాకుండా చూసుకోవాలి. వేసవిలో అవసరమైన నీటిని అందించాలి. పంటకు సరైన మోతాదులో నీరు అందకపోతే చెట్ల ఎదుగుదల సరిగా లేకపోవడం, మగ గెలలు ఎక్కువగా రావడం, దీనివల్ల దిగుబడి తగ్గిపోవడం జరుగుతుంది. 3 సంవత్సరాలలోపు ప్రతి మొక్కకు వేసవిలో సుమారు 200-350 లీటర్ల నీరు ఇవ్వాలి. సాధ్యమైనంత వరకు డ్రిప్ విధానంలో సాగునీరు అందించడమే ఉత్తమమైన విధానం.