ఢిల్లీ వేదికగా ఆదివారం ఖోఖో వరల్డ్ కప్ గెలిచిన భారత మహిళా జట్టు, పురుషుల జట్టుకు ప్రధాని మోదీ అభినందనలు తెలిపారు. వారి అసమాన నైపుణ్యం, సమిష్టి కృషి, దృఢ సంకల్పం కారణంగా కప్ వచ్చిందని ట్వీట్ చేశారు. ఈ విజయం ఖోఖోకు దేశవ్యాప్తంగా మరింత గుర్తింపు తెస్తుందన్నారు. అంతేకాకుండా దేశవ్యాప్తంగా ఎంతో మంది యువ అథ్లెట్లకు స్ఫూర్తినిస్తుందన్నారు. రానున్న కాలంలో మరింత మంది ఖోఖో క్రీడపై ఆసక్తి పెంచుకోవడానికి మార్గం సుగమం చేసిందన్నారు.