త్వరలో తెలంగాణలో పెరగనున్న మద్యం ధరలు

త్వరలో తెలంగాణలో మద్యం ధరలు పెర‌గ‌నున్నాయి. బీర్లు, స్పిరిట్‌లపై రేట్లను తెలంగాణ ప్రభుత్వం స‌వ‌రించ‌నుంది. గతేడాది తగ్గించిన స్పెషల్ ఎక్సైజ్ సెస్‌ని పెంచడంతో పాటు ధరలను పెంచాలన్న యోచనలో రాష్ట్ర ప్రభుత్వం ఉన్న‌ట్లు స‌మాచారం. ప్రస్తుత ఆర్థిక సంవత్సరంలో రూ.1900 కోట్ల ఆదాయం వచ్చేలా మద్యం ధరలను సవరించేందుకు అనుమతి ఇవ్వాలని కోరుతూ ప్రభుత్వానికి ప్రొహిబిషన్ అండ్ ఎక్సైజ్ శాఖ ప్ర‌తిపాద‌న‌లు పంపింది. స్పిరిట్‌లపై రూ.20, బీర్లపై రూ.10 పెంచాలని నిర్ణయించినట్లు సమాచారం.